安排極失當-魔髮奇緣優先場

之前收到寄嚟嘅2張魔髮奇緣優先場戲飛,預告一出個friend已經話想睇,依家有得睇優先場喎,啱晒喇..

雖然個地點要去到無雷公咁遠嘅康怡,但琴日都滿心歡喜嘅去睇喇..

因為佢飛上面寫住"先到先得,滿座即止", 所以前一日都打去問過,會唔會去到無位,個staff話唔會,可以照去


點 知琴日有事搞到晏左少少,大約4:15先過到去(開場時間係4點),去到入口見有人揸住d優先場飛排隊喎,咁就排啦,但都覺得有d奇怪,無理由開左場都未 入得, 點知等等下發覺唔對路,有人就再上去問戲院嘅staff, 原來係已經full左,無得入...但d staff之前無講清楚,
只係叫d人排隊..跟住有個女仔(唔知係電影公司staff定PR啦),就大大聲係度話依家係full左,無得入,但會點補償就依家答唔到,要星期一返公司先會知點搞,叫我地留低名同電話,會再跟進

以前大大話話都睇過十次八次優先場,從來都未試過去到會無位,入唔到去睇..如果發行商無心搞優先場,明知會唔夠位,就唔好放咁多優先場飛出嚟,俾左飛人又去到先話無位,仲要俾唔到任何交代,好唔掂囉...

個friend仲要專登係大埔出嚟架嘛...我決定杯葛呢套戲, 唔會去睇!!