要防曬得,要美白亦得,得左

皮膚嘅最大敵人係咩呢?相信每個人嘅答案都唔一樣,有人會覺得係乾燥,有人會覺得係油脂,有人會覺得係天氣轉變.我個人就會話係日曬/陽光.

講 嘅當然係當中紫外線嘅UVA/UVB/UVC,UVA(長波紫外線)會使皮膚曬黑及提早老化；UVB(中波紫外線)會使皮膚發紅、提早老化及皮膚癌的發 生；UVC(短波紫外線)極易造成嚴重的皮膚紅腫。通常UVC在通過臭氧層時已被吸收，極少到達地面傷害人體。UVB是導致曬傷的罪魁禍首，造成皮膚紅腫 熱痛的主因。UVA則可穿透玻璃到達表皮基底層，是曬黑、皮膚老化的元凶。

因為以前讀書唔識搽防曬保護皮膚,代價就係面上嘅雀斑(沒圖沒真相)

依家就好注重搽防曬呢個步驟,係每日一定做嘅. 近年防曬產品分為物理性防曬&化學性防曬,各有各嘅優劣之處,所以市面上嘅防曬產品大多數係物理性防曬成份 + 化學性防曬成份混合使用, 提高防曬效果及增加產品對UV-A的阻隔.

有幸可以試用Elizabeth Arden White Glove Extreme白手套系列嘅極效美白防曬乳SPF50 PA++,體驗下點樣防曬之餘仲可以美白.

佢含有活性成份:

14.4% W/W 氧化鋅(Zinc oxide)-物理性防曬成份
5% W/W 肉桂酸鹽(Octinoxate)-化學性防曬成份
4% W/W 甲基水楊醇(Homosalate)-化學性防曬成份

對肌膚溫和得嚟又唔會有高化學濃度，做到更周全的防護.

另外仲加入Emblica C Complex維他命C複合因子&海洋礦物萃取液-海濱刺芹,有效抑制黑色素的產生,有助抗氧化,令皮膚亮白.而且不含油份,唔會加重皮膚負擔.

個"咀"偏細,更容易控制吱出嚟嘅分量

質地係偏傑身嘅lotion狀

搽嗰時會有少少黏,但尚算易推

吸收比想像中快喎..

再摸下,有d粉霜狀嘅feel..

未搽極效美白防曬乳之前嘅皮膚

搽左之後

乾紋淡左少少,修飾左毛孔,望落細左,膚色均勻左白左d,似係搽左base咁..

摸落無任何油膩感,有輕微粉末感(吸油粉末乎?!)

最驚喜嘅係過左半日, T字位出油情況無平時咁嚴重(我係T字位勁油,兩頰乾).

不過兩頰感覺就唔夠補濕.(濕度太低喇,).冬天用之前一定要做好補濕打底先得.夏天就應該啱啱好.

用嘅日子尚短,而且冬天日曬無咁厲害,淡斑暫未見到好大對比,不過skin tone明亮左少少,要KEEP住用,長期作戰先可能有效

P.S.今次feel到Elizabeth Arden嘅防曬係ok嘅..希望d clay mask日後會有更好嘅version出現啦...